Փետրվարի տասներեքին վարչապետ Նիկոլ Փաշինյանը հանդիպելու է Գերմանիայի կանցլեր Անգելա Մերկելին:
Փաշինյանը Գերմանիա է մեկնում Մյունխենի անվտանգության համաժողովին մասնակցելու համար, որը անվտանգային ոլորտի ամենամյա հեղինակավոր միջոցառում է աշխարհում, որտեղ քննարկվում են կարևոր հարցեր:
Վարչապետ Փաշինյանի ինքնին կարևոր այցն առանձնահատուկ իմաստ է ստանում Հայաստանի ներքին իրողությունների ֆոնին, որոնք մտել են յուրահատուկ փուլ:
Սհմանադրական դատարանի խնդրի շուրջ իրավիճակի հանգուցալուծման գործընթացը կարևոր հարցեր է առաջացրել Հայաստան-ԵՄ փոխհարաբերության տիրույթում, որովհետև Եվրոպայի խորհրդից ստացվել են բազմիմաստ ազդակներ հանգուցալուծման ընտրված մոտեցումների կապակցությամբ:
Դրան զուգահեռ՝ ակնառու է նաև, որ «ոչ»-ի ճամբարում աշխույժ դիրքավորվող նախկին իշխանությունը ձգտելու է իր զինանոցի առանցքային խաղաքարտ դարձնել հենց եվրոպական արձագանքը՝ դրա հնարավորինս խստությունն ու բացասականությունը ավելացնել ձգտելով իր եվրոպական կապերի շնորհիվ:
Իշխանության համար դա, բնականաբար, քաղաքական մարտահրավեր է:
Մանրամասները դիտեք ստորև՝ տեսանյութում։