Վստրեչի Ապեր մականունով հայտնի Արամ Վարդանյանի տանն այս գիշեր իրականացրած գործողությունների արդյունքում 2016 թ․ տեղի ունեցած կողոպուտի և առևանգման կասկածանքով բերման են ենթարկվել մի շարք մարդիկ, որոնցից մի քանիսը ազատ են արձակվել, երկուսը՝ այդ թվում Վարդանյանի եղբորորդին ձերբակալվել են։
Այս մասին այսօր հրավիրած մամուլի ասուլիսի ժամանակ հայտնեցին լրագրողների հետ զրույցում Վարդանյանի փաստաբանները՝ Երվանդ Վարոսյանը և Լուսինե Սահակյանը։
Ներկայացնելով կատարվածը՝ Լուսինե Սահակյանը նախ նշեց, որ վերջին շրջանում Արամ Վարդանյանի շուրջ տեղի ունեցած իրադարձությունների հետ կապված՝ 50-ից ավելի անձիք բերման ենթարկվելու դեպք ենք ունեցել։
Նրանք անձիք են, ովքեր առնչություն են ունեցել Արամ Վարդանյանի հետ․ եղել են հարազատ, բարեկամ, ընկեր, հարևան և բոլորն ապօրինի են բերման ենթարկվել՝ մտացածին պատճառներով։
Նրանց նկատմամբ բռնություն է տեղի ունեցել և ըստ Սահակյանի ամենը տեղի է ունեցել, երբ վարչապետը հայտարարել է, որ բոլորին պետք է փռել ասֆալտներին։
Առավել մանրամասն դիտեք տեսանյութում՝