Պետության մասին «մտածող» «խելացի» «բարեգործը» ասում է, թե պետությունը պետք է փոխհատուցի թե՛ տնտեսական գործունեություն ծավալողների վնասները , թե՛ վճարի մասնավոր հիմնարկներում աշխատողների աշխատավարձները: Իյա, իրո՞ք, այ «խելացի»: Այսօր բոլորը աշխարհում գիտակցաբար վնաս են կրում, իսկ դու ուզում ես քո միլիոնները չպակասի: Բա տարիներ շարունակ բարեգործությունից ես բարբաջում , բա այժմ բարեգործության համար լավագույն ժամանակն է:

«Խելացին» ասում է, թե տեսա՞ք` Բելառուսում օդանավակայանն աշխատում է, բոլոր բիզնեսներն աշխատում են: Այն, որ քո երազանքի պետությունը հետամնաց ու բռնապետական Բելառուսն է, հասկանալի է, սակայն պետք չի քո մտքի անկումը ներկայացնել որպես բացարձակ ճշմարտություն, և մարդկանց խաբել, այն էլ` շատ էժանագին ստերով:

Նախ բռնապետական երկներում հասարակությունից գրեթե հարյուր տոկոսով թաքցվում է ճշմարտությունը ու ,վստահ եմ , որ որևիցէ մեկն այդպես էլ չի իմանա, թե Բելառուսում քանի մարդ իրականում վարակվեց ու որքան մարդ իրականում կյանքից հեռացավ, իսկ այն, որ Բելառուսում բոլոր բիզնեսները նորմալ աշխատում են, լկտի սուտ է:

Նույնիսկ մեկ հեքիաթ ինքնուրույն կարդացած երեխան կհասկանա, որ համաշխարհային ճգնաժամի պայմաններում որևէ երկիր չի կարող կորուստներ չունենալ, իսկ Բելառուսի դեպքում` առավել ևս: Բելառուսական ապրանքների մեծ մասն արտահանվում է Ռուսասատան, որտեղ նավթի համաշխարհային գների, հետևաբար նույնպես ռուբլու գահավիժմամբ և միջազգային սանկցիաներով պայմանավորված` ճգնաժամի ազդեցությունը կրկնակի է, անգամ` եռակի:

Փաստորեն, կամ դու փորձում ես մարդկանց էշի տեղ դնել , կամ էլ կյանքում գեթ մեկ գիրք, նույնիսկ հեքիաթ չես կարդացել, կամ էլ «դվա վ օդնոմ», կամ էլ հետևությունները թողնում եմ ձեզ:

P.S
Ասում է, որ ես լինեի, սաղ հարցերը կլուծեի: Փաստորեն, ողջ աշխարի լիդերները, որոնցից շատերը սովորել են ախարհի լավագույն ԲՈՒՀ-երում, ի զորու չեն բոլոր հարցերը լուծել, սակայն դու և քո ընկեր Բատկան ծալած ունեք ալամ աշխարհին: Լավ ենք մազապուրծ եղել, որ դու չես երկրի ղեկավարը: Դու և քո նման «ուսյալները» Հայաստանը մեկ ամսում կուղարկեիք պատմության գիրկը:

Քանի դեռ դու զբաղվում ես քաղաքական գործունեությամբ, այ «խելացի», դու ու քո կուսակցությունը խայտառակ սպառնալիք եք Հայաստանի Հանրապետության համար: Դա էլ հերիք չի, քո տգիտությունը քննադատողներին տհաս ես անվանում: Սարսափում եմ անգամ այն մտքից, որ դու քո «պայծառ» մտքերը պետք ներկայացնես Հայաստանի անունից աշխարհին, ու եթե քեզ ծաղրեին քո անգրագիտության համար, փաստորեն, աշխարհին տհաս կանվանեիր: