ՈՒՇԱԳՐԱՎ։ ՊՆ աշխատակիցները գողացել են աղքատների համար նախատեսված օգնությունը. արարքը արդարացում չունի.

«Ժողովուրդ» թերթը գրում է․

«Ապրիլի տասնչորսին Ազգային ժողովի պատգամավոր Սիփան Փաշինյանը համացանցում հայտարարություն տեղադրեց, որ «իրականացնում ենք սոցիալական աջակցություն` մոտ հազար հարյուր անապահով ընտանիքներին մատակարարելով առաջնային նշանակության սննդամթերք` ուկրաինաբնակ ( իջեւանցի ) գործարար Անդրանիկ Ղազարյանի ֆինանսավորմամբ»:

Պարզվում է` դպրոցի այդ սննդամթերքը գրավել է ՀՀ ՊՆ աշխատակիցների ուշադրությունը, որոնք գիշերով որոշել են թալանել աղքատների համար նախատեսված պարկերը:

«Ժողովուրդ» օրաթերթին հասած տեղեկությունների համաձայն, ապրիլի 14-ի գիշերը Իջեւան քաղաքի չորրորդ դպրոցի պահակ Կարեն Մկրտումյանը ահազանգել է ոստիկաններին` հայտնելով, որ դպրոցում օգնության պաշարներ կան եւ ինչ-որ մարդիկ հարձակվել են իր վրա ու հանել ապրանքի մի մասը շենքից:

Ավելի ուշ պարզվել է, որ Պաշտպանության նախարարության ծառայող Գեղամ Սարուխանյանը ու Գարիկ Պետրոսյանը եւ եւս մեկ ՊՆ ծառայող Էրիկ Մելիքսեթյանն են եղել գողության հեղինակները, որոնք բերման են ենթարկվել: Համաձայնեք` արարքը արդարացում չունի. համաճարակի այս օրերին աղքատների համար սննդամթերք է հայթայթվում, իսկ որոշ մարդիկ որոշում են գողանալ այն` սեփական կարիքները հոգալու համար»:

Leave a Reply

Your email address will not be published. Required fields are marked *