Արտակ Գալստյանը ֆեյսբուքյան իր էջում գրել է․ “Եթե Անդրանիկ Քոչարյանը շարունակի զազրախոսել, ապա լրացուցիչ եւ շատ դաժան հիշեցումներ կստանա իր անցյալից”, այսօր այդ մասին հայտարարել է Վանեցյանի կուսակցության վարչության անդամ Արա Սահակյանը:

Ի՞սկ ով է Արա Սահակյանը և ինչպիսին է նրա անցյալը: Ըստ Վիքիպեդիայի Արա Սահակյանը եղել է՝ դիվանագետ, Ղազախստանի Հանրապետությունում, Ղրղզստանի Հանրապետությունում և Աֆղանստանի Իսլամական Հանրապետությունում Հայաստանի Հանրապետության արտակարգ ու լիազոր դեսպան, ի դեպ նշանակված անհայրենիք Սերժ Սարգսյանի կողմից:

Արա Սահակյանի կենսագրականում, որպես քաղաքական գործունեություն նշված է նաև, որ եղել է Ազգային ժողովի նախագահի տեղակալ 1995-ից մինչև 1998թ-ը: Ուշագրավ է, որ Արա Սահակյանի կենսագրականից անհայտացել է նրա քաղաքական կենսագրության հիմքը՝ ՀՀՇ Վարչության անդամ ու այդ կուսակցության կարկառուն դեմք լինելու փաստը: Ինչ վերաբերվում է 1996թ. սեպտեմբերյան դեպքերի ժամանակ Արա Սահակյանի չճողոպրելու վերաբերյալ հայտարարությանը, ապա կխնդրեի նրան հիշեցնել այն
ՀՀՇ կարկառուն ներկայացուցչի անունը, որին Ազգային ժողովի աստիճանների աջ հատվածում,

բառիս բուն իմաստով ծնկի էին բերել 2 լիքոտ կանայք ու կոշիկի կրունկով հար վածելով նրա ճաղատ գլխին պահանջում էին, որ վերջինս բացականչի Վազգեն Նախագահ: Կարծում եմ Արա Սահակյանը պետք է որ մոռացած չլինի այդ միջադեպը, համենայն դեպս դրա հետքերը դեռ պահպանված են: Ինչ վերաբերվում է, որ Արա Սահակյանի հայտարարությանը, որ 1996-ին ժողովրդի թի րախը ինքը չէր, ապա նորից կխնդրեի նրան հիշեցնել ինձ, թե որ, գլխից վիրավոր ՀՀՇ կարկառուն դեմքին Վլադիմիր Գասպարյանը կարգադրեց տեղափոխել Նոր Նորքի հիվանդանոց, հրամանն էլ հիմնավորելով այն հանգամանքով, որ դրան որտեղ տանենք, ժողովուրդը կգնա հետևից:

Ինչ վերաբերվում է հոկտեմբերի 27-ին ու Վազգեն Սարգսյանի կառավարությունում ուժային բլոկի համակարգումը Անդրանիկ Քոչարյանի կողմից իրականացնելուն, ապա կարծում եմ հանրահայտ փաստ է, որ հոկտեմբերի 27-ը տեղի ունեցավ, քանի որ ԱԱՆախարար էր Սերժ Սարգսյանը ու կարծում եմ չես գտնի գեթ մեկ ողջամիտ մարդու, ով կհավատա, որ Սերժին Ազգային Անվտանգության Նախարար էր նշանակել Անդրանիկ Քոչարյանը, երբ երկրի Նախագահը Ռոբերտ Քոչարյանն էր:

Այստեղ են ասում, եթե Ազգային Անվտանգության Նախարար իրոք նշանակեր Անդրանիկ Քոչարյանը, ապա դա կբացառեր Հոկտեմբերի 27-ի ս պանդը: Ես շատ եմ մտածել, թե ինչպես Ռոբերտ Քոչարյանին հաջողվեց զավթել իշխանությունը, ովքեր էին նրան աջակցում իշխող ՀՀՇ-ում, ո՞վ էր այն թաքնված, Սերժի կողմից հավաքագրված տրոյական ձին: Կարծես թե տարիներ հետո դա էլ է բացահայտվում:

Ժողովրդի կողմից ՀՀՇ ամենաատելի դեմքը, Արա Սահակյանը իշխանության բռնազավթումից ու մարտի մեկից հետո Սերժի կողմից նշանակվեց դեսպան, ընդ որում մուսուլմանական երկրում, այսօր էլ առերևույթ Ռոբերտ Քոչարյանի հենարան հանդիսացող, Վանեցյանի կուսակցության վարչության անդամ է ու ակտիվ քննադատում է Վարչապետին, պահանջում է նրա հրաժարականը:

Իսկ ինչ վերաբերվում է Արա Սահակյանի կողմից Անդրանիկ Քոչարյանի հասցեին հնչեցրած, լրացուցիչ եւ շատ դաժան հիշեցումներին՝ ապա կխնդրեի վերջինիս վերհիշել ,թե կենտրոն համայնքում ինչպես պատգամավոր ընտրվեց 1995-ին, ինչ պատմություններ եղան Երևանի ալրաղացի հետ և այլն, սակայն սա հաջորդիվ, չնայած համոզված եմ, միայն այն հանգամանքը, որ

այսօր Արա Սահակյանը հանդիսանում է Ռոբերտ Քոչարյանի համար պայքարող կուսակցության վարչության անդամ առավել քան բավարար է, որ մոռանանք նրա անցյալը, որովհետև իմ սուբյեկտիվ կարծիքով, նրա ներկան ավելի նող կալի է ու հակաժողովրդական: Ակամայից հիշեցի ժողովրդական մի ասացվածք՝ Կարմիր կովը կաշին չի փոխում, անկախ նրանից թե 1996-ին այն քեր թել են թե ոչ:
Ապրենք խաղաղությամբ: Արտակ Գալստյան