Ազգային ավիափոխադրող կոր ծանողը ազգային փոխադրող ունենալու անհրաժեշտության մասին է խոսում: Բաց երկնքի դեկլարատիվ փաստաթղթի ստեղծման չորս հարյուր հազար ԱՄՆ դոլարի մս խման հեղինակը, խոսում է դրա վն ասի մասին: Ավիատոմս ծախողին ավիացիայի ղեկավար նշանակելու վնա սարարության մասին խոսացողը

Բաքվից անհայտ անձնավորության դնում է ավիափոխադրումների գլխին։ Ռոբերտ Քոչարյանը շարքային ստախոս է»,-«Առաջին լրատվական»-ի հետ զրույցի ընթացքում ասաց քաղավիացիայի կոմիտեի նախկին ղեկավար Շահեն Պետրոսյանը՝ անդրադառնալով Ռոբերտ Քոչարյանի վերջին հայտարարությանը։ Իսկ Ռոբերտ Քոչարյանը օրերս Ապարանում ընտրողների հետ հանդիպման

ընթացքում հայտարարել էր, որ Հայաստանը պիտի ազգային ավիափոխադրող ունենա: «Պատ երազմի ժամանակ բոլորը հասկացան, որ դա մեծ խնդիր է: Իմ նախագահության ժամանակ ազգային փոխադրողը իրականացնում էր չվերթներ մենակ Եվրոպայում 7 ուղղություններով»,-ասել է Քոչարյանը՝ ավելացնելով, որ անհրաժեշտ է ինչ-որ հայրենական ավիաընկերության օգնել ոտքի կանգնել որպես

ազգային փոխադրող: « Երեք տարում կործանեցին եղածը: Իմ ունեցած տեղեկություններով՝ կառավարումը ընդհանրապես փլուզեցինք: Մտածում են, եթե մարդը տոմս է վաճառել, կարելի է նշանակել քաղավիացիայի վարչության պետ: Դա նշանակում է, որ նրանք բացարձակապես չեն հասկանում՝ ինչ է կառավարումը»,-նշեց նախկին նախագահը՝ հիշեցնելով, որ իր նախագահության վերջին տարիներին ուղեւորահոսքը գերազանցել է

մեկ միլիոնը: Շահեն Պետրոսյանը պատմեց, որ երբ Ռոբերտ Քոչարյանը վարչապետ էր, իրեն հրավիրել է իր աշխատասենյակ ու պահանջել է, որպեսզի ինքը «Արաքս» ավիաընկերության հիսուն տոկոսը տա իրեն։ «1997 թվականն էր։ Քոչարյանը ինձ կանչեց իր կաբինետ և պահանջեց, որ ես «Արաքս» ավիաընկերության հիսուն տոկոսը տամ իրեն։ Ես իրեն պատասխանեցի՝ վարչապետ մարդ ես, կարող ես մտնել պետռեգիստր ու նայել, թե ովքեր են

«Արաքս»-ի հիմնադիրները, տնօրենը ով է, տեղակալները ովքեր են։ Ես միայն քաղավիացիայի վարչության պետն եմ։ Ճիշտ է, ես աջակցել եմ «Արաքս» ավիաընկերությունը ոտքի կանգնի, աջակցել եմ այնպես, ոնց մնացած մասնավոր ավիաընկերությունների դեպքում։ Այո, մենք երեք հզոր ավիաընկերություն ունեինք՝ սկսած հայկական ավիաուղիներից։ Մեր բարեփոխումների ծրագրում էր, որ մենք պետք է ներքին և արտաքին մրցակցություն

ունենանք, որ մոնոպոլիաներ չլինեն շուկայում։ Եվ մենք դա իրականացրել էինք, սատարել էինք մասնավոր ընկերությունների ոտքի կանգնելուն, այդ թվում «Արաքս» ավիաընկերությանը։ Իսկ Քոչարյանը հրավիրել էր իր կաբինետ և ասում էր, որ «Արաքս»-ի 50 տոկոսը պետք է տամ իրեն։ Էդ խելքով էլ իրենք վարչապետ էին աշխատում, 50/50 ամեն ինչի մեջ փայ մտնելով էլ աշխատում էին։

Էդպես եղավ «Արմենթելի» , «Արմենիա» հյուրանոցի, հանքաարդյունաբերության դեպքում։ Քոչարյանը կամաց-կամաց ամեն ինչ քան դեց երկրում, հիմա հանկարծ ասում է, թե պիտի վերականգնել»,-ասաց Պետրոսյանը՝ հավելելով, որ Ռոբերտ Քոչարյանին մերժելուց հետո արդեն 1998 թվականի փետրվարին, դեռ նախագահ չդարձած, կառավարության որոշմամբ «Արաքս» ավիաընկերությունը վերացրեց. «Երբ ես Ռոբերտ

Քոչարյանին մերժեցի, իսկ մերժեցի, քանզի այդ ավիաընկերությունը իմ սեփականությունը չէր, նա 98 թվականին պարզապես ոչնչացրեց այս ավիաընկերությունը կառավարության մեկ որոշմամբ։ Նա քինախնդիր մարդ է։ Ուզում էր ասել՝ չեք տալիս ինձ «Արաքս»-ի հիսուն տոկոսը, ուրեմն ես ձեզ կոչնչացնեմ։ Եվ այդպես էլ արեց՝ ապօրինի ձևով, կառավարության որոշմամբ մասնավոր ընկերությունը ոչնչացրեց։ Այդ որոշումը այժմ կա, փաստ է։ Այսինքն

նա վերացրեց «Արաքս» ավիաընկերությունը, իսկ «Հայկական ավիաուղիները» հասցրեց սնանկացման շեմին։ Այն դեպքում, երբ ես 1996 թվականին դուրս եկա հայկական ավիաուղիներից, տաս միլիոն դոլար պետական գումար էի թողել, որը մաքուր շահույթ էր ու դրանով պետք է Բոինգ ձեռք բերեինք։ Իսկ Քոչարյանը տաս միլիոն դոլարը մս խեց, առհասարակ թաթը դրեց օդանավակայանի, առհասարակ ավիացիայի վրա, քանզի ամենամեծ

ֆինանսական հոսքեր այնտեղ էին այդ ժամանակ»,-ընգծեց Պետրոսյանը։ Մեր զրուցակիցը համաձայն է նաև քաղավիացիայի բնագավառում վարվող քաղաքականության վերաբերյալ նոր կառավարության հասցեին հնչող քննադատության հետ, ոչ կոմպետենտ մարդկանց ղեկավար նշանակելու հարցում, բայց Պետրոսյանի խոսքով, այս հարցում էլ Ռոբերտ Քոչարյանը խոսելու տեղ չունի, քանզի հենց նա էր «Բաքվի կլյուչնիկին» բերել (նկատի ունի

«Արմավիա» ավիաընկերության սեփականատեր Միխայիլ Բաղդասարովին. խմբ) և «Արմավիա» էին ստեղծել «Հայկական ավիաուղիների ամբողջ ֆինանսական կապիտալի վրա։ «Ռոբերտ Քոչարյանին թվում է, թե բոլորս ամնեզիայով ենք տա ռապում, կամ չկանք, գոյություն չունենք։ Պատմությունը փաստաթղթերով է ստեղծվում, ոչ թե սրա նրա ասելով»,-եզրափակեց Պետրոսյանը։