Գոոոոոլ… Ինչպես է Հենրիխ Մխիթարյանը առաջին խաղակեսից հետո փայլուն գոլ խփում

Աշխարհի առաջնության ընտրական մրցաշարի J խմբի 6-րդ տուրում ֆուտբոլի Հայաստանի ազգային հավաքականը Վազգեն Սարգսյանի անվան «Հանրապետական» ստադիոնում ընդունել է Լիխտենշտեյնի թիմին եւ 1-ին խաղակեսից հետո հաղթում է 1։0 հաշվով։

Ավելացված ժամանակում VAR-ի կիրառման շնորհիվ 11 մետրանոց նշանակվեց հյուրերի դարպասին։ Հենրիխ Մխիթարյանը դիպուկ իրացրեց հարվածը։
Ընդմիջում է։ Հայաստանի և Լիխտենշտեյնի հավաքականները կհանդիպեն 6-րդ անգամ:

Նախորդ 5 խաղերում Հայաստանի հավաքականը տարել է 3 հաղթանակ, ևս 2 անգամ թիմերը չեն պարզել հաղթողին: Հիշեցնենք, որ ԱԱ-2022-ի ընտրական փուլի նախորդ հինգ տուրերում Հայաստանի հավաքականը հաղթել է Լիխտենշտեյնին (1:0), Իսլանդիային (2:0), Ռումինիային (3:2),

գոլազուրկ ոչ ոքի խաղացել Հյուսիսային Մակեդոնիայի հետ, պարտվել Գերմանիային (0:6) և 10 միավորով երկրորդն է J խմբում: Առաջատար Գերմանիան ունի 12 միավոր, Ռումինիան՝ 9, Հյուսիսային Մակեդոնիան՝ 8, Իսլանդիան՝ 4, իսկ Լիխտենշտեյնը կրել է 5 պարտություն:

ԱԱ-2022, ընտրական մրցաշար, J խումբ, 6-րդ տուր, առաջին խաղակես Հայաստան – Լիխտենշտեյն՝ 1։0 Հենրիխ Մխիթարյան, 45+4
Հայաստան. Դավիթ Յուրչենկո, Դավիթ Տերտերյան, Անդրե Կալիսիր, Վարազդատ Հարոյան, Կամո Հովհաննիսյան, Սոլոմոն Ուդո, Խորեն Բայրամյան, Տիգրան Բարսեղյան, Հենրիխ Մխիթարյան, Սարգիս Ադամյան, Ալեքսանդր Կարապետյան։

Պահեստայիններ. Անատոլի Այվազով, Ստանիսլավ Բուչնեւ, Տարոն Ոսկանյան, Արտակ Գրիգորյան, Արտեմ Ավանեսյան, Էդուարդ Սպերցյան, Իշխան Գելոյան, Էրիկ Վարդանյան, Արշակ Կորյան, Ժիրայր Շաղոյան, Արման Հովհաննիսյան, Վահան Բիչախչյան։ Իսլանդիա – Գերմանիա՝ 22:45 (Երեւանի ժամանակ) Հյուսիսային Մակեդոնիա – Ռումինիա՝ 22:45: Տեսանյութը ստորև՝

Leave a Reply

Your email address will not be published. Required fields are marked *