Թիզ առ թիզ առաջ են գալիս, դիրքավորվում են, կահավորվում են ու պատրաստվում են հաջորդ առաջխաղացմանը… ՀՀ-ն պարտավոր է անի հետևյալը… Դավիթ Սանասարյան
Ինքնիշխան Հայաստան» կուսակցության ղեկավար Դավիթ Սանասարյանի գրառումը․ «Էնպես եք «ուռաա՛, տավարիշչի» դեմքով տարածում ռուսական խաղաղապահ ուժերի հաղորդագրությունները, կարծես լավություն են արել, որ ռազ մավարական
առավել մեծ նշանակություն ունեցող բարձունքը՝ Քարագլուխը տվել են ադրբեջանցիներին, իսկ համեմատության մեջ նվազ կարևորություն ունեցող Փառուխը վերցրել են իրենց հսկողության ներքո։
Եվ ուրեմն վստահ եղեք, որ ադրբեջանցիների
առաջխաղացումը կամ էս պահին այդքան էր պլանավորված ադրբեջանառուսական ղեկավարության կողմից, կամ կասեցվեց, քանզի ԱՄՆ-ի ու Ֆրանսիայի կողմից եղավ կոշտ արձագանք։
Թիզ առ թիզ առաջ են գալիս, դիրքավորվում են,
կահավորվում են և պատրաստվում են հաջորդ առաջխաղացմանը, իսկ դուք գոչեք՝ «կեցցե՛ ռուս խաղաղապահը»։ ՀՀ—ն պարտավոր է օր առաջ բանակցել միջազգային խաղաղապահների տեղակայման համար, առավել հարմար պահ չկա, հետո ուշ է լինելու»։