Աշխատանքային այցով Գերմանիայում գտնվող վարչապետ Նիկոլ Փաշինյանը հանդիպեց Գերմանիայի կանցլեր Անգելա Մերկելի հետ: Երկու երկրների ղեկավարները հանդես եկան ԶԼՄ-ների համար հայտարարությամբ:

Նիկոլ Փաշինյանի հայտարարությունը.

«Հարգարժան տիկին կանցլեր,

ԶԼՄ-ների հարգելի ներկայացուցիչներ,

Տիկնայք և պարոնայք,

Մեծ ուրախությամբ սիրով եմ արձանագրել, որ իմ պաշտոնավարումից ի վեր, վերջին 1,5 տարվա ընթացքում, տիկին կանցլերի հետ մենք հանդիպում ենք արդեն 3-րդ անգամ: Սա ինքնին խոսուն փաստ է, ինչը վկայում է մեր հարաբերությունների բարձր մակարդակի մասին:

Գերմանիան Հայաստանի մտերիմ բարեկամն ու գործնկերն է, և մենք զգում ենք այդ բարեկամության ուժը թե՛ զգացական, թե՛ գործնական առումներով։

Գերմանիան այն հզոր կամուրջներից մեկն է, որը կապում է Հայաստանը Եվրոպական Միության, եվրոպական քաղաքակրթության և մշակույթի հետ: Այսօր վստահությամբ կարող եմ արձանագրել, որ մեր բարեկամությունը հիմնված է ընդհանուր արժեքների վրա:

Դրանք միավորում են մեր 2 երկրները և հուսալի հենք ծառայում ամենատարբեր ոլորտներում համագործակցություն ծավալելու համար:

Մանրամասները դիտեք տեսանյութում՝