Այսօր Վազգեն Սարգսյանի ծննդյան օրն է: Մի քանի հետաքրքիր դեպք նրա կյանքից:
«Մի անգամ զորամասերից մեկում, ստուգայցի ժամանակ, հսկիչ-անցագրային կետի մոտ հերթապահ զինվորը թույլ չի տալիս, որպեսզի ՊՆ նախարարը ներս մտնի զորանոց.
– Զինվո՛ր, ինձ ճանաչո՞ւմ ես,- հարցրել է նախարարը:
– Այո՛, պարո՛ն նախարար, իհա՛րկե ճանաչում եմ, բայց հրամանատարս հրամայել է, որ ով էլ գա՝ ոչ մեկին ներս չթողնեմ,- պատասխանել է զինվորը:
– Լավ, հրամանատարիդ զեկուցիր, որ պաշտպանության նախարարն է եկել: Մինչ հրամանատարն իրար խառնված հասնում է
հսկիչ-անցագրային կետ, Սպարապետը հանգիստ ձայնով հրամայում է` զինվորին 10 օր արձակուրդ` լավ ծառայության համար: Ա՛յ այսքան գնահատել է կարգուկանոնը»::